SchoolBus Azərbaycan şirkəti olaraq biz məktəbli nəqliyyatı sahəsində tədbiq etdiyimiz yeniliklərlə şagirdlərin məktəblərə və yaşadıqları ünvanlara aparılması prosesində valideynlərin yarana biləcək bütün narahatçılıqlarını aradan qaldırmış oluruq. Xidmətlərimizdən istifadə edən şagirdlər avtobuslara əyləşdikləri andan etibarən daim nəzarətimiz altında olurlar. Məktəblərin daxilində fəaliyyət göstərən əməkdaşlarımız dərs bitdikdən sonra şagirdlərin siyahılarla düzgün avtobuslara əyləşməsini təmin edir, avtobuslar hərəkətə başlamamışdan öncə bütün təhlükəsizlik tədbirlərinin həyata keçirildiyinə əmin olurlar.

İşləriniz rahatlaşdıracaq mobil tədbiqetmə - SchoolBus Azerbaijan

Mobil tədbiqetməni yaratmağımızda məqsəd bütün Azərbaycan üzrə məktəbli nəqliyyatı sahəsində vahid istifadə portalı yaratmaqdır. Valideynlər mobil tədbiqetmə vasitəsi ilə şirkətimizdə rahat şəkildə qeydiyyatdan keçib övladları üçün məktəbli nəqliyyatı tələbi verə bilər, GPS izləmə sisteminə qoşularaq avtobusları izləyə bilər, kameralara bağlanmaqla avtobusda şagirdlərin davranışlarına nəzarət edə bilər, online və təhlükəsiz şəkildə ödənişləri həyata keçirə bilərlər. Mobil tədbiqetmədə xəritələrə qoşulmaqla valideynlər avtobusların yaxınlaşdığı izləyə bilər, sürücülər isə şagirdlərin ünvanlarını daha rahat təyin edə bilərlər. Şirkət qeydiyyat zamanı göstərilən bütün şəxsi məlumatların, ödəniş kartlarının məxfiliyinin qorunub saxlanılmasına cavabdehdir.

Övladlarınızı təcrübəli sürücülərimizə və peşəkar komanda heyətimizə etibar edə bilərsiz!

Sürücülərimiz xüsusi kriteriyalara əsasən seçilirlər və şagirdlərlə davranış, avtomobil yollarında təhlükəsizlik qaydaları üzrə daim təlimatlandırılırlar. Şirkətimizin nümayəndələri tələb edilən təhlükəsizlik qaydalarına sürücülər, valideynlər və şagirdlər tərəfindən riayət olunmasına daim nəzarət edirlər. Hər bir qayda pozuntusu qeydə alınır və xəbərdarlıq olaraq sənədləşdirilir. GPS izləmə sistemi və kameralar şirkət əməkdaşları tərəfindən daim nəzarət altında saxlanılır, məktəbə gecikmə hallarının baş verməməsi üçün hərəkət istiqamətləri daim təkmilləşdirilir, hərəkət üçün ən təhlükəsiz və tıxacsız yollar seçilir.

Bizi seçməklə siz müasir dövrün tələblərinə uyğun şəkildə qurulmuş, daha təhlükəsiz, daha rahat və daha operativ xidmət göstərən, yenilikləri ilə daim xidmətinizdə olacaq bir şirkətin üzvü olacaqsız. Şagirdlərimizin sağlam təhsili üçün verəcəyimiz kiçik bir töhvə belə bizim üçün qürurvericidir!